Izraeli konfirmon vrasjen e komandantit iranian të Drejtorisë së Naftës

Keystone EPA/ABEDIN TAHERKENAREH

Forcat e Mbrojtjes së Izraelit (IDF) njoftuan se kanë kryer një sulm që çoi në vrasjen e Jamshid Eshaqim, komandant i Drejtorisë së Naftës në Forcat e Armatosura të Iranit. Sipas IDF-së, Drejtoria e Naftës luan një rol kyç në forcimin e kapaciteteve ushtarake të regjimit iranian, duke siguruar të ardhura nga shitja e naftës.

Sulmi që rezultoi me vdekjen e Eshaqim u realizua më herët gjatë javës, duke u bazuar në informacionet e Drejtorisë së Inteligjencës. Ushtria izraelite theksoi se Eshaqim drejtonte pjesën financiare të forcave të regjimit, si dhe industrinë ushtarake përgjegjëse për prodhimin e raketave balistike dhe mekanizmat e shtypjes. Për më tepër, ai koordinonte fonde për mbështetjen e grupeve terroriste iraniane në Lindjen e Mesme, përfshirë Hezbollah dhe Houthit.

IDF shtoi se Gardat Revolucionare Islamike dhe forcat e tjera të Iranit janë financuar për vite me rradhë nga të ardhura të mëdha nga nafta, të cilat shpesh shmangin sanksionet ndërkombëtare. Këto të ardhura janë menaxhuar nga drejtoritë e posaçme të krijuara nga Irani, duke i dhënë një rol thelbësor forcës së regjimit dhe financimit të aktiviteteve terroriste globalisht.