Italia nga nesër aplikon gjobat për të pavaksinuarit që thyejnë kufizimet

Nga nesër në Itali hyjnë në fuqi rregullat e reja anti-Covid dhe super “Green Pass” edhe në zonën e sigurt.

Dekreti ministror i miratuar më 24 nëntor parashikon gjoba nga 400 deri në 1 mijë euro për këdo që tenton të hyjë në bare dhe restorante pa pasur vaksinën.

Qeveria mendon se do të shtojë ndërgjegjësimin e masës teksa u bllokon aksesin personave të pavaksinuar. Draghi ka angazhuar të gjitha forcat policore që të bëjnë kontrolle të detajuara në të gjitha ambientet e ndaluara dhe kushdo që nuk bindet të tregojë certifikatën e gjelbër që lidhet me vaksinimin apo kalimin e sëmundjes, do të gjobitet, transmeton A2, përcjell Albinfo.ch.

Ky dokument do të kërkohet në mbarë vendin, në të gjitha format e transportit, por edhe aktivitete të tjera që parashikojnë praninë e të tjerë personave afër jush.

Në fuqi do vijojë të mbetet tamponi negativ për të shkuar në punë, në palestër, të qëndroni natën në hotel, por jo për bizneset e gastronomisë.

 

---