Itali: Nëntë persona humbin jetën nga përplasja e teleferikut

Sipas mediave italiane, është ende e paqartë nëse në bord ndodheshin gjithsej 11 apo 12 persona

Në anën italiane të Liqenit Lago Maggiore (të cilin, Italia e ndan me Zvicrën) është përplasur teleferiku Stresa-Mottarone me të paktën 11 persona në bord. Deri më tani, dihet për nëntë të vdekur dhe 2 të lënduar nga kjo përplasje, shkruajnë mediat italiane dhe zvicerane. Brigada e zjarrfikësve dhe shpëtimi malor kanë qenë në vendin e ngjarjes.

Aksidenti i rëndë ka ndodhur rreth orës 12.30

Sipas mediave italiane, është ende e paqartë nëse në bord ndodheshin gjithsej 11 apo 12 persona. Dy fëmijë të lenduar rëndë janë dërguar në spitalin Regina Margherita në Torino me helikopter shpëtimi.

Aksidenti thuhet të jetë shkaktuar nga këputja e një litari prej teli vetëm 300 metra para se teleferiku të mbërrinte në stacionin malor. Kabina u rrëzua në një zonë të pyllëzuar, të vështirë për t’u arritur, siç tregon një foto nga departamenti i zjarrfikësve, përcjell albinfo.ch. Brigada e zjarrfikësve dhe punonjësit e tjerë të shpëtimit janë në vend – dy helikopterë gjithashtu kanë qenë në veprim.

https://fb.watch/5G6lFut72i/

---