Itali: Klaudio Findiku fiton 6 çmime në konkursin ndërkombëtar “Autori Italiani”

Së fundmi, Klaudio Findiku ka shënuar një tjetër arritje të rëndësishme me pjesëmarrjen e tij në edicionin e tretë të konkursit kombëtar “Autori Italiani”, duke fituar 6 çmime, përcjell albinfo.ch.

Gjatë viteve, Klaudio ka grumbulluar plot 123 çmime kombëtare dhe ndërkombëtare në fushat e artit dhe letërsisë, duke përfaqësuar denjësisht Shqipërinë.

Çmimet e fundit përfshijnë çmime të para dhe speciale për pikturë dhe poezi, si dhe nderime të veçanta për veprat e tij kushtuar Nënë Terezës, duke përfshirë vlerësimin “Artistik Atlantide 2024”. Ndër çmimet më të spikatura janë për pikturën “Venezia a colori” dhe librin poetik “Amata Terra Mia.”

Autori shprehet i lumtur dhe mirënjohës për mbështetjen e familjes dhe miqve të tij, duke theksuar se është në pritje të vlerësimeve të tjera ndërkombëtare. Findiku, i cili ka kontribuar prej 14 vitesh në promovimin e kulturës shqiptare në Itali, është gjithashtu kryetar i konkursit ndërkombëtar “Aquila d’Oro”, i cili pritet të përmbyllet më 14 dhjetor 2024 në Rovereto, Trentino.