Ismaili: Korrupsioni ka dëmtuar rëndë sektorin e shëndetësisë

Ministri i Shëndetësisë, Uran Ismaili, ka deklaruar se korrupsioni ka dëmtuar rëndë sektorin e shëndetësisë dhe ka thyer besimin në mes të qytetarit dhe sistemit shëndetësor.

Ismaili në një konferencë për media tha se dikasterin që ai e udhëheq e ka gjetur një situatë kaotike në shëndetësi, ku sipas tij, kishte gjetur kontrata të tejkaluara dhe blerje të jashtëligjshme, çmime të fryra dhe mungesa të mëdha në sistemin shëndetësor, shkruan albinfo.ch

Por ai tha se këtë vit janë blerë barna 6 milionë euro më lirë sesa vitin e kaluar. Ai përmendi rastin e ilaçit të ‘Imatinibit’, i cili përdoret kundër kancerit dhe leukemisë, ku tha se në vitin 2016 ishte blerë 652 mijë euro, ndërsa sasinë e njëjtë tashmë e kanë blerë me 75 mijë euro. Sipas Ismajlit, keqpërdorimet kanë ndodhur gjatë vitit 2016 dhe 2017, kohë kur me Shëndetësisë ka udhëhequr Imet Rrahmani nga LDK-ja.