Islandë: Një qytet evakuohet për shkak të vullkanit

Foto ilustrim: @pixabay

Nga një qytet në jugperëndim të Islandës janë evakuuar 3 mijë banorë, për shkak të frikës së shpërthimit vullkanik, pas disa tërmeteve dhe provave të përhapjes së magmës nën tokë.

Sipas njoftimit nga Zyra Meteorologjike e Islandës, ekziston një rrezik i madh i shpërthimit të vullkanit në gadishullin e Reikjanës, për shkak të sasisë së madhe të magmës nëntokësore dhe ritmit me të cilin po lëvizte.

“Nuk mendoj se ka mbetur shumë kohë deri të shpërthimi, disa orë apo disa ditë. Rreziku i një shpërthimi vullkanik është rritur jashtëzakonisht”, ka thënë Thorvaldur Thordarson, profesor për vullkanet në Universitetin e Islandës, përcjell albinfo.ch.

Ndërkaq, Agjencia për Mbrojtje Civile e Islandës dje ka urdhëruar evakuimin e plotë të qytetit Grindavik, ndërsa në rajonin e Reikjanës kanë ndodhur disa shpërthime vullkanike në zonat e papopulluara në vitet e fundit, por shpërthimi i cili po parashikohet, përbën rrezik të pashmangshëm për qytetin.