iPhone 13 do të sjellë me vete 1TB hapësirë memorike

EPA/SERGEI ILNITSKY

Apple së fundi publikoi IPhone 12 Pro, i cili aktualisht arrin në 512 GB hapësirë ​​memorike, por po supozohet se iPhone 13 do të ketë kapacitet memorik deri në 1TB.

Ky lajm është tronditës për të gjithë ata që mendojnë se nuk mund të kenë kurrë hapësirë ​​të mjaftueshme për aplikacionet ose kujtimet e tyre. Po supozohet që Apple ka në plan të publikojë iPhone 13 me hapësirë ​​deri në 1TB.

Këto supozime po bazohen në një raport të ri nga firma e investimeve Wedbush Securities, të cilët vunë në dukje se iPhone i gjeneratës së ardhshme do të ketë një hapësirë ​​memorike 1TB.

Aktualisht, modelet iPhone 12 Pro dhe iPhone 12 Pro Max të Apple ofrojnë deri në 512 GB hapësirë ​​ruajtëse, dhe të dyja janë tashmë mjaft të shtrenjta – ne vetëm mund të imagjinojmë se sa një model iPhone 13 Pro me 1TB do të kushtojë. Sa u përket pajisjeve iOS, Apple ka ofruar një version 1TB të iPad Pro të saj që nga viti 2018, kështu që është plotësisht e besueshme që kjo kompani eventualisht do të ofrojë të njëjtën sasi të hapësirës memorike edhe për iPhone.

Kjo nuk është hera e parë që një iPhone 13 me hapësirë 1TB diskutohet – kanali YouTube Front Page Tech bëri të njëjtin supozim në janar. Sigurisht, ne nuk do ta dimë asgjë derisa Apple të publikojë iPhone 13 më vonë gjatë vitit.