Iphone 12 nuk prezentohet në shtator, shtyhet data

Ne jemi shumë afër për të parë më në fund modelet e reja iPhone 12 dhe iPhone 12 Pro nga Apple. Dhe këta telefona premtojnë se do të vijnë me disa nga ndryshimet më të mëdha në formacionin e iPhone në një kohë të gjatë.

iPhone 12 thuhet se do të vjen me rrjetin 5G, procesorin e shumëpritur të Apple A14 Bionic dhe për kamerat LiDAR.

Ndërsa ne ndoshta nuk do të marrim në duar iPhone 12 në shtator, siç bëjmë zakonisht me lëshimet e reja të iPhone, thashethemet dhe rrjedhjet kanë krijuar një pamje mjaft të plotë të asaj që mund të presim nga celularët e ardhshëm të Apple, duke përfshirë datat e lëshimit, çmimet dhe specifikimet e tyre, shkruan Forbes.

iPhone 12 pritet të vijë në katër modele: 5.4 inç iPhone 12, 6.1 inç iPhone 12 Max, 6.1 inç iPhone 12 Pro dhe 6.7 inç iPhone 12 Pro Max, transmeton Telegrafi. Të katër modelet pritet të vijnë me një dizajn që ka skaje të sheshta, të ngjashëm me iPhone 5.

Një raport i ri për iPhone 12 5G thotë se vetëm iPhone 12 Pro Max më i madh do të ofrojë mbështetje për teknologjinë e shpejtë mmWave, e cila është një befasi e madhe këtë herë.

Dizajni i iPhone 12 dyshohet se ka rrjedhur në video, duke na dhënë një vështrim të dizajnit të ri të mundshëm.