Investitori zviceran i interesuar për Vitinë

Investitori zviceran Rolf Alther, tregoi për disa plane që mendon të investojë në komunën e Vitisë, dhe për këtë kërkoi mbështetje nga kryetari i Vitisë, Sokol Haliti

Kryetari i shoqatës Zvicër – Shqipëri dhe investitori nga Zvicra, Rolf Alther kërkoi mbështetje nga komuna e Vitisë, për të investuar në zonën rurale të kësaj komune. Alther u takua me kryetarin e komunës së Vitisë Sokol Haliti, si dhe me përfaqësuesit e klerit katolik dhe këshillin e fshatit, Letnicë.

Në këtë takim u diskutua për mundësinë e investimeve në komunën e Vitisë, me theks të veçantë në zonën e Letnicës.

Investitori zviceran Rolf Alther, tregoi për disa plane që mendon të investojë në këtë komunë, si dhe kërkoi nga kryetari i Vitisë mbështetje për realizimin e këtyre projekteve.

Kryetari Haliti, siç thuhet në njoftim, shprehu gatishmërinë për investime të tilla, dhe njëkohësisht falënderoi kryetarin e shoqatës Zvicër – Shqipëri, për gatishmërinë e tij për të investuar në komunën e Vitisë. Edhe pse nuk u treguan se në çka do të investojë, Alther, siç u tha, pritet së shpejt të duket rezultatet.

Komuna e Vitisë është njëra nga komuna që ka fituar më së shumti ndihma nga shteti helvetik, kryesisht nëpërmjet projekteve në ujësjellës dhe infrastrukturë që ka i ka realizuar organizata Logos.