Interesim i madh për të mësuar gjermanishten

Kjo tendencë lidhet edhe me kërkesën e lartë që ka tregu gjerman për forcë të kualifikuar pune, por njohja e gjuhës është kushti bazë

Gjithnjë e më shumë të rinj në Shqipëri po zgjedhin që të mësojnë gjermanishten, duke lënë kështu pas anglishten dhe italishten.

Të dhënat tregojnë se edhe pse ritmi i frekuentimit të kurseve ka rënë përsëri ato dominojnë duke zënë 16.6% të totalit të kursantëve, kryesisht nga të punësuarit dhe nxënësit e shkollave. Kjo tendencë lidhet edhe me kërkesën e lartë që ka tregu gjerman për forcë të kualifikuar pune, por njohja e gjuhës është kushti bazë.

Të dhënat e Shërbimit Kombëtar të Punësimit në Shqipëri tregojnë se ka fluks në rritje të kërkesave për mësimin e gjuhës gjermane.

Ndërsa referuar kurseve të tjera profesioneve, më të frekuentuarit, në raport me totalin e pjesëmarrësve, kanë qenë: Kuzhina(11%), Instalues dhe riparues të rrjetit elektrik” (11.7%), Rrobaqepësi (7.2%), Hidraulik (9.1%), Parukeri (5.8%) dhe Saldim (5.3%).

Të rinjtë pjesëmarrës në kurset profesionale pranë Qendrave të Formimit Profesional Publik, përbejnë 65% të totalit të pjesëmarrësve. Ajo që duhet theksuar që në te gjitha profesionet  pjesëmarrja e të rinjve ngelet mbi 50%.

Pjesëmarrësit me nivel arsimor të mesëm përbejnë 58.5% të totalit të pjesëmarrësve.