“Insieme” ka kushtuar 105 milionë franga

Si pasojë e aferës së projektit "Insieme" patën “fluturuar” dy funksionarë shtetërorë, përgjegjës për projektin

Projekti nga lëmi i informatikës, i njohur me emrin „Insieme“, i cili është ndërprerë për shkak të skandalit që ka plasur rreth tij, ka kushtuar gjithsej 105 milionë franga, njofton Këshilli Federal.

Ky projekt kishte të bënte me digjitalizimin e shërbimeve administrative të institucioneve të federatës.

Këshilli Federal konsideron se aplikacionet dhe produktet në vlerë prej 19 milionë frangave do të mund të përdoren edhe më tutje.

Projekti “Insieme” qe ndërprerë në muajin shtator pasi që ishte konstatuar se porositë ishin bërë në mënyrë jozyrtare dhe “me njohtësi”. Po ashtu edhe kostoja e projektit ishte rritur mbi atë që ishte paralajmëruar.

Si pasojë e aferës së zbuluar patën “fluturuar” dy funksionarë shtetërorë, përgjegjës për projektin.