Ikin mërgimtarët, kolona të gjata në Kapshticë

I njëjti “fat” si në Kosovë, i përcjell edhe bashkëkombësit shqiptarë në Shqipëri të cilët kanë pritur me orë të tëra gjata gjatë kthimit të tyre në vendet e punës në Greqi

Me kolona të gjatë në kufij nuk ballafaqohen vetëm bashkatdhetarët kosovarë gjatë ardhjet dhe shkuarjes në Bashkimin Evropian. I njëjti problem i përcjell edhe bashkëkombësit shqiptarë në Shqipëri të cilët kanë pritur me orë të tëra gjata gjatë kthimit të tyre në vendet e punës në Greqi.

.Mediet shqiptare thonë se në pikëkalim e Kapshticës, janë shënuar kolona të gjata për shkak të ngathtësisë që po tregojnë dy anët e kufirit. Derisa në palës shqiptare problem iu ka shkaktuar edhe ndalja e rrymës në pikëkalim, në anën greke vërehet numër i vogël i policëve dhe doganierëve.

Radha e automjeteve në terrenin doganor ka qenë e gjatë dhe në tre korsi, ndërsa edhe ndërprerjet e herëpashershme të energjisë elektrike thuajse e kanë paralizuar punën, çka ka detyruar palën shqiptare të punojë tepër ngadalë, raporton TCH. Sipas të dhënave, pala shqiptare punon me 4 sportele në hyrje dhe 3 në dalje, ndërsa ajo greke me 3 në total.