I riu nga Vushtrria vdes në aksident në Gjermani, nesër varroset në vendlindje

Në një aksident të rëndë në Gjermani ka mbetur i vdekur i riu nga Vushtrria M.Ymeri.

Lajmi është bërë i ditur nga familjarët e tij teksa është njoftuar se varrimi i tij bëhet të enjten (nesër) në vendlindje.

“Me pikëllim dhe dhembje të thellë ju njoftojmë që pas një aksidenti të rëndë në Gjermani, tragjikishtë humbi jetën më i dashuri i familjes tonë Masar Mujamet Ymeri. Ceremonia e varrimit do bëhet më datë 31.08.2023 në ora (18:00) Në varrezat e fshatit Lumi i Madh. Me pikëllim të thellë familja Ymeri”, thuhet në njoftimin e familjes.