I ka hedhur gruas thartirën në fytyrë: Dorasi i kërkon gjykatës ta dënojë më rëndë!

Për veprën e tij të rëndë që ka kryer, i ka hedhur mikeshës së vet thartirë në fytyrë, ai thotë se ky dënim është shumë i ulët!

Ndodh edhe kjo: pasi që një person është dënuar nga Gjykata e Landit në Hanover (Gjermani) me 12 vjet burg, është ankuar. Deri këtu, asgjë e jashtëzakonshme. Por e veçanta është se personi në fjalë ka kërkuar t`i rritet masa e dënimit, shkruajnë mediat gjermane. Për veprën e tij të rëndë që ka kryer, i ka hedhur mikeshës së vet thartirë në fytyrë, ai thotë se ky dënim është shumë i ulët!

32 vjeçari me emrin Daniel, krimin e tij e kishte arsyetuar me faktin se partnerja e kishte trajtuar keq. Për këtë arsye ai kishte dashur që karakterin e saj të lig ta shpërfaqte edhe në pamjen e saj të jashtme, pra duke ia deformuar fytyrën me acid, duke e bërë të shëmtuar, transmeton albinfo.ch. Ndërkohë ai është penduar rëndë për veprën që ka bërë.

Është interesant edhe reagimi i avokatit të tij: “Nëse ai vazhdon të kërkojë që dënimi i tij të ngrihet në 15 vjet, unë do ta kërkoj një gjë të tillë”, ka thënë avokati i habitur me kërkesën e klientit. “Diçka e tillë nuk më ka ndodhur asnjëherë deri tash”, ka shtuar ai.