Huruglica: Doganierët serbë nuk kanë refuzuar pjesëmarrjen në aksion

"Ne kemi bërë ekipe të përbashkëta. Ata janë doganierë të Kosovës dhe ne nuk i ndajmë në serbë dhe shqiptarë"

Drejtori i përgjithshëm i Doganave të Kosovës, Naim Huruglica, ka hedhur poshtë deklaratat e publikuara në disa media serbe se pjesëtarë serbë të institucionit që ai drejton, kanë refuzuar të punojnë në vendkalimet kufitare me Serbinë.

Huruglica, për Radion Evropa e Lirë ka theksuar se në dy pikat doganore në veri, janë duke punuar vetëm doganierët shqiptarë.

“Ata janë doganierë të Kosovës dhe ne nuk i ndajmë në serbë dhe shqiptarë. Ne kemi bërë ekipe të përbashkëta të shqiptarëve dhe serbëve, por në ditën e parë janë dy shqiptarë në dy pikat 1 dhe 31. Në ditët tjera do të jenë edhe serbët, edhe boshnjakët etj.”, ka theksuar Hurglica.

Në pikën kufitare në Jarinje kanë arritur pjesëtarë të EULEX-it.

Në pikë kalimin e Bërnjakes ka përfunduar aksioni i cili ka zgjatur rreth 75 minuta, i cili në këtë pikë, me helikopter, ka sjellë nga një doganier dhe një polic shqiptar, të Kosovës dhe pjesëtarët e EULEX-it, por me ta nuk kanë shkuar edhe doganierët dhe policët e Kosovës të nacionalitetit serbë, ka shkruar gazeta serbe Blic.