Hoxhaj e Haxhinasto pajtohen për thellimin e bashkëpunimit

Ministri Hoxhaj ka shprehur mirënjohjen që ka dhënë Shqipëria për dialogun për liberalizimin e vizave për Kosovën

Ministri i Punëve të Jashtme, Enver Hoxhaj dhe homologu i tij nga Shqipëria, Edmond Haxhinasto janëpajtuar për thellimin e bashkëpunimit ndërmjet dy vendeve, me qëllim të përshpejtimit të proceseve integruese drejt Bashkimit Evropian.

Me këtë rast nuk ka munguar as mbështetja e Shqipërisë për të lobuar në njohjen e pavarësisë së Kosovës.

Po ashtu është biseduar se si dy vendet tona do të ketë një bashkëpunim shumë më të ngushtë drejt integrimit ekonomik, drejt një infrastrukture të integruar dhe me fokus të veçantë që Republika e Shqipërisë ka mbështetur Republikën e Kosovës në anëtarësimin e saj në mekanizmat rajonal.

Ministri Hoxhaj ka shprehur mirënjohjen që ka dhënë Shqipëria për dialogun për liberalizimin e vizave për Kosovën dhe çështje kontraktuale me Bashkimin Evropian.

Kurse ministri Haxhinasto ka thënë se ka qenë një takim i frytshëm, ku është diskutuar lidhur me objektivat dhe synimet që është integrimi i shpejtë i dy vendeve tona në fushën e ekonomisë, fushën e infrastrukturës, dhe bashkëpunim në fushën e energjisë.