Hovenier: 24 shtatori tregon nevojën urgjente për zbatimin e Marrëveshjes së Ohrit

Sot, ambasadori i SHBA-së në Kosovë, Jeff Hovenier, tha se ka shoqëruar senatorët amerikanë Shaheen dhe Welch në takimet që kanë pasur me liderët e vendit, përcjell albinfo.ch.

Hovenier ka thënë se i bashkohet solidaritetetit të senatores Shaheen me popullin e Kosovës dhe ngushëllimet për vdekjen e policit Afrim Bunjaku.

Tutje ambasadori amerikan ka shtuar se pajtohet me deklaratën e senatores amerikane, se sulmi i 24 shtatorit nënvizon nevojën urgjente për implementimin e plotë të Marrëveshjes së Ohrit nga Kosova dhe Serbia.

“Kënaqësi për t’u bashkuar me senatorët Shaheen dhe Welch për takimet e tyre në Kosovë këtë mëngjes. Plotësisht dakord me shprehjen e solidaritetit të senatores Shaheen me popullin e Kosovës dhe ngushëllimet për vdekjen e rreshterit Bunjaku. Siç tha ajo pas takimeve, sulmi i 24 shtatorit thekson nevojën urgjente për zbatimin e plotë të Marrëveshjes së Ohrit nga Kosova dhe Serbia”, ka shkruar Hovenier.

Pleased to join Senators Shaheen and Welch for their meetings in 🇽🇰 this morning. Fully agree with Sen. Shaheen's expression of solidarity with the people of Kosovo & condolences on death of Sgt Bunjaku. As she said after the meetings, the Sept 24 attack emphasizes urgent need… https://t.co/Tw2JBIsghx

— Ambassador Jeff Hovenier (@USAmbKosovo) October 13, 2023