Hotjanët e Amerikës kundërshtojnë ndërtimin e minihidrocentralit në Plavë

Reagimit të Hotjanve sot ju bashkëngjitën edhe dy vëllazëri ajo Qosaj dhe Rugova, familje këto që kanë prona të tyre në Hot dhe pran Hotit

Mërgimtarët shqiptarë nga rajoni i Hotit që banojnë në Shtetet e Bashkuara të Amerikës kanë kundërshtuar ndërtimin e minihidrocentralit gypor në Hot të Plavës në Mal të Zi, në një takim që kanë mbajtur në Bronx të Nju Jorkut këta mërgimtarë kanë koordinuar veprimet kundër lejimit të ndërtimit të këtij minihidrocentrali.

“Me një pjesëmarrje më të gjer ata organizuan një tubim të vëllazërive të Hotit, për të i bërë me dije investitorit që në vendlindjen e tyre nuk mund dhe nuk lejojnë që për interesa të ngushta dhe personale të individëve të preken pasurit natyrore të fshatit pa pëlqimin dhe aprovimin e vet banorëve lokal gjegjësisht të hotjanve. Reagimit të Hotjanve sot ju bashkëngjitën edhe dy vëllazëri ajo Qosaj dhe Rugova, familje këto që kanë prona të tyre në Hot dhe pran Hotit”, thuhet në reagim.

Familjet Qosaj dhe Rugova në takim sot theksuan se ne jemi me qëndrimet e hotjnëve dhe se kundërshtojmë këtë nismë qëllimkeqe dhe të pa dëshiruar nga banorët vendas dhe diaspora.

Po ashtu në këtë takim u tubuan edhe mjete financiare për bashkërendimin e veprimeve kundër kësaj nisme dhe projekti.

“Nga ky takim, i cili kaloj në një atmosferë te ngrohet dhe vëllazërore u shpreh edhe njëherë indinjata e thelle ndaj investitorit ish-deputetit të Kuvendit të Kosovës, Florim Kraqniqi dhe bashkëvendësit tonë Zymer Gjonbalaj të cilët po tentojnë të shpërfillin reagimet tona”, u tha ne këtë takim.

Një zëri u dakorduan që ky projekt nuk do e lejojmë të jetësohet dhe nuk do kalon në tokat e Hotit të Plavë Gucisë.