Hoti: Nuk ka gjendje të jashtëzakonshme, do t’i shtrëngojmë masat

Kryeministri i Kosovës, Avdullah Hoti pas mbledhjes së Këshillit të Sigurisë së Kosovës, ka mbajtur sot një konferencë për media ku ka bërë të ditur se nuk do të ketë gjendje të jashtëzakonshme, por vetëm shtrëngim të masave kundër përhapjes së pandemisë Covid-19.

Tutje ai shtoi se janë shqyrtuar dy skenar nga ekspertët shëndetësorë duke shqyrtuar edhe përvojat e vendeve tjera, përcjell albinfo.ch.

“Skenari i parë: Zbatim shumë rigoroz të masave eksizutese dhe të masave të reja dhe skenari i dytë shpallja e Gjendjes së Jashtëzakonshme. Kam zhvilluar konsultime me të gjitha nivelet, jemi duke ndërtuar një startegji mediale që të mëremi me këtë situatë të re. Sapo e kryem edhe mbledhjen e Këshillit të Sigurisë së Kosovës ku ka pajtueshmëri të përgjithshme që të shkojmë përpara me skenarin e parë, me ndërmarrjen e masave shtesë dhe me rigorozitet të plotë të atyre masave që të përcillet situata në ditët e ardhshme duke mos përjashtu fillimin e ndjekjes  për shpalljen e gjendjes së jashtëzakonshme. Menjëherë sot do të votojmë në mbledhjen e qeverisë një listë të madhe të masave”, tha Hoti.