Hotelet zvicerane kanë frikë nga mbylljet e reja

Foto Ilustrim

Pasi është ndikuar fuqishëm nga pandemia për më shumë se një vit e gjysmë, sektori i hoteleve në Zvicër po përjeton sërish një numër në rritje të anulimeve të rezervimeve, ndërkohë që rezervimet e reja janë të pakta, sipas një njoftimi për shtyp nga organizata ombrellë Hotelleriesuisse, transmeton albinfo.ch.

Kjo situatë shpjegohet me rregullat e reja të karantinës të vendosura për mysafirët që vijnë nga vende të rëndësishme për sektorin, si Britania e Madhe, Holanda dhe Belgjika.

Shoqata “shpreson që mbyllja e mëtejshme mund të shmanget, sepse për një pjesë të madhe të hoteleve zvicerane, një sezon normal dimëror është qendror. Dega e turizmit realizon një pjesë të madhe të të ardhurave të saj gjatë muajve të dimrit”.