Hotelet në Kosovë shfrytëzohen vetëm 10 %

Pjesë e kësaj ankete ishin 130 hotele nga e tëra Kosova, me shumicën nga rajoni i Prishtinës, Gjakovës, Ferizajt, etj, kurse sipas anketës kapaciteti i shfrytëzuar në nivel vendi ishte 10.11%

Hotelet në Kosovë po shfrytëzohen shumë pak, dhe kjo dëshmohet edhe në bazë të statistikave të Agjencisë së Statistikave të Kosovës, që ka publikuar raportin për tremujorin e parë të vitit 2017, përcjell albinfo.ch.

Pjesë e kësaj ankete ishin 130 hotele nga e tëra Kosova, me shumicën nga rajoni i Prishtinës, Gjakovës, Ferizajt, etj, kurse sipas anketës kapaciteti i shfrytëzuar në nivel vendi ishte 10.11%.

Kjo përqindje ishte edhe tremujorin e katërt të vitit 2016, pra nuk ka asnjë ndryshim.

“Në këtë tremujor (TM1 2017), numri i vizitorëve ishte 24 533, prej tyre 31.89 % ishin vizitorë vendorë dhe 68.11% ishin vizitorë të jashtëm. Kurse, numri i bujtjeve në TM1 2017 ishte 36 080, prej tyre 27.22 % e bujtjeve janë nga vendorët dhe 72.78 % janë nga të huajt. Numrin më të madh të vizitorëve dhe net-qëndrimeve të tyre e ka rajoni i Prishtinës me 15 047 vizitorë dhe 23 246 net-qëndrime”, thuhet në njoftim.

Sa u përket vizitorëve të huaj, numri më i madh i tyre ishte nga Shqipëria, Turqia, Gjermania, etj.