Hisni Berisha kërkon punëtorë për të ngjyrosur vetura

“Që katër apo pesë vjet është e vështirë për të gjetur punëtorë të tillë”, thotë 69-vjeçari. Ai ka thënë se të patën dy do t’i punësonte menjëherë, derisa një në kohë të pacaktuar varësisht nga puna

Foto: nw

Hisni Berisha kishte një punëtori të madhe në rrugën Herforder në Bielefeld të Gjermanisë. Më parë ishin 14 punonjës për të ngjyrosur vetura. “Tani jemi vetëm tre, një punëtor i kualifikuar, një praktikant dhe unë”, thotë Berisha, shkruan ‘nw.de’.

“Që katër apo pesë vjet është e vështirë për të gjetur punëtorë të tillë”, thotë 69-vjeçari. Ai ka thënë se të patën dy do t’i punësonte menjëherë, derisa një në kohë të pacaktuar varësisht nga puna, përcjell albinfo.ch.

Në vitin 1972, Hisni Berisha ishte larguar nga ish-Jugosllavia për në Bielefeld. Më parë ai kishte një qendër profesionale në vendlindjen e tij, që i dha punëtorë Gjermanisë. Për t’u koordinuar ai ishte disa herë në Gjermani. “Unë kam qenë i impresionuar nga etika e punës në Gjermani”, kujton Berisha.

Ai fillimisht shkoi si punëtor, pastaj më 1981 përfundoi Masterin, derisa më 1984 kishte hapur kompaninë e tij. “Në përgjithësi kam formuar më shumë se 80 piktorë”, thotë ai. Shumica prej tyre ose janë duke studiuar ose inxhinierë.

Por, entuziazmi për këtë punë ka rënë dhe për të gjetur punëtorë të tillë është shumë e vështirë. “Pyes veten se çfarë po bëjnë ata. Nëse askush nuk dëshiron të punojë, atëherë diçka nuk është në rregull”.

Edhe zyrtarët e kompanive të punës e pranojnë se për këtë zanat ka shumë pak të interesuar, por ndryshe është në profesionet tjera, ku ka shumë të tillë.

Nëse vazhdohet në këtë gjendje, sigurisht se Berisha do të ketë shumë vështirë të gjejë pasardhësin dhe kompania e tij do të ishte në rrezik.