Ukraina

Gjendet kutia e zezë e aeroplanit, ku humbi jetën Prigozhin

E shtunë, 26 Gusht 2023 - 20:00 albinfo.ch
Yevgeny Prigozhin

Hetuesit në Rusi kanë gjetur kutinë e zezë të aeroplanit, ku supozohet se humbi jetën shefi i grupit mercenar, Wagner, Yevgeny Prigozhin dhe nëntë persona të tjerë që ishin në bord.

Komiteti hetimor ka thënë gjithashtu se trupat e gjetur në vendin e aksidentit do t’i nënshtrohen testit gjenetik për të konfirmuar identitetin e tyre, shkruan albinfo.ch,

Përmes njoftimit në kanalin e tyre në Telegram, thuhet se hetimi do të kontrollojë me kujdes të gjitha versionet e mundshme të asaj që ka ndodhur teksa ende nuk është paraqitur asnjë provë konkrete për të vërtetuar vdekjen e tyre.

Ndër të tjera, komiteti shtoi se “sendet dhe dokumentet që janë të rëndësishëm për të vërtetuar të gjitha rrethanat e rrëzimit janë gjithashtu duke u sekuestruar” për ekspertizë mjeko-ligjore.

Ndryshe, kutia e zezë e aeroplanit përmban sasi të mëdha të të dhënave të fluturimit për t’u analizuar, si dhe regjistrime audio të kabinës.

 Të tjera nga Ukraina

Trump dhe Zelensky takohen në SHBA, aleatët evropianë dhe Kanadaja japin mbështetje për paqen

 E-Diaspora

 Jeta në Austri