Hetohet polici ekstremist gjerman që rrahu shqiptarin e lidhur

polici 39-vjeçar ka goditur një burrë me prejardhje të huaj i cili ishte tashmë i lidhur me pranga, pasi po merrej në pyetje për shkak të një rasti të dhunës në familje

Skandali rreth bisedave me përmbajtje të djathtë ekstremiste në policinë në Essen dhe Mülheim / Ruhr po merr dimensione të reja.

Zyra e prokurorit publik në Duisburg ka konfirmuar për gazetën “Kölner Stadt-Anzeiger” se një oficer policie është duke u hetuar për ndëshkim të padrejtë dhe sulm fizik të personit të marrë në pyetje.

Oficeri gjithashtu ishte pjesë e grupit ekstremist të djathtë në chat “Alpha Team”, transmeton albinfo.ch. Sipas kësaj, polici 39-vjeçar ka goditur një burrë me prejardhje të huaj i cili ishte tashmë i lidhur me pranga, pasi po merrej në pyetje për shkak të një rasti të dhunës në familje.

Viktima e pretenduar është një gjermano-shqiptar, përcjell albinfo.ch. Gjatë marrjes në pyetje, ky i fundit ka raportuar se ishte rrahur deri sa ishte në  gjendje të pambrojtur.

Polici i akuzuar ka mohuar pretendimet dhe ka folur për një goditje neutralizuese, sa për të marrë situatën nën kontroll.

Në fillim kolegia e tij e kishte mbrojtur policin në fjalë. Vetëm në procesin gjyqësor kundër tij, ajo ka ndryshuar deklaratën e saj pasi që një polic tjetër kaishte raportuar tashmë për rrahje kur delikuenti ishte i lidhur.

I pandehuri (shqiptari) më pas është shpallur i pafajshëm, transmeton albinfo.ch.  Prandaj, “hetimi kundër oficerit të policisë ka rifilluar,” ka thënë prokurori i lëndës, König.

I akuzuari ishte anëtar i grupit debatues në chat “Ekipi Alpha”. 15 anëtarët e këtij rrethi kanë përdorur imazhe naziste si svastika ose pamje të Hitlerit, që qarkullojnë përmes WhatsApp.

---