Hetimi ngre shumë pikëpyetje për vdekjen e pesë alpinistëve në Zvicër

(KEYSTONE/Marcel Bieri)

Pesë trupa janë gjetur pasi grupi u kap nga moti i keq. Një person mbetet i zhdukur pasi u larguan nga Zermatt për të shkuar në Arolla.

Parashikuesit thonë se grupi do të ishte përballur me erëra prej 120 km/h dhe temperatura minus 15 – të cilat me erë të ftohtë, do të ishin ndier si minus 30.

Të shtunën vonë pasdite, grupi bëri një telefonatë në shërbimet e urgjencës. Tetë helikopterë filluan një kërkim – duke përfshirë dy super puma të ushtrisë – por nuk arritën t’i gjenin, shkruajnë mediat zvicerane, përcjell albinfo.ch.

Tani ka nisur një hetim se si grupi u gjend në një telash të tillë. Disa udhërrëfyes me përvojë i kanë thënë shtypit se nuk duhej të largoheshin kurrë pasi ishte parashikuar moti i keq – të tjerë thonë se duhej të ishin kthyer më herët.

Prokurorja e Përgjithshme vendase, Béatrice Pilloud, thotë se ata duan të kuptojnë kronologjinë e ngjarjeve dhe pse u befasuan në dukje nga stuhia.

Kërkimi për viktimën e gjashtë vijon edhe sot.