“Hardh Fest”, i gatshëm të presë turistët

“Konaku i “Hardh Festit”, konaku i mijëra turistëve është drejt përfundimit të rikonstruksionit total, ku këtë vit vjen me një pamje të re për “Hardh Fest 2017”, thuhet në njoftimin në rrjetet sociale

Njëri nga festivalet e shumta në Kosovë, por edhe ndër më të njohurit është “Hardh Fest”, që mbahet në qytetin e Rahovecit.

Këtë vit, ky festival vjen me risi. “Konaku i “Hardh Festit”, konaku i mijëra turistëve është drejt përfundimit të rikonstruksionit total, ku këtë vit vjen me një pamje të re për “Hardh Fest 2017”, thuhet në njoftimin në rrjetet sociale.

Konaku apo Tregu i Vreshtarëve është mundësuar nga Ministria e Bujqësisë, Pylltarisë dhe Zhvillimit Rural dhe Komuna Rahovec, implementimi i projektit bëhet nga Komuna e Rahovecit, përcjell albinfo.ch.

Qëllimi i festës së vjeljes së rrushit, është promovimi i rajonit vreshtar të luginës së Rahovecit, Vertarisë, Rakisë, trashëgimisë shpirtërore dhe kulturore si dhe turizmin rural në Kosovë. Gjithashtu, “Hardh Fest”, për qëllim ka të ruaj traditat dhe zakonet e lidhura me vreshtarin, verën dhe enologjinë, promovimi dhe fuqizimi i bashkëpunimit dhe lidhjeve në të gjithë zinxhirin prodhues, si dhe mundësit për promovim të turizmit rural të Komunës së Rahovecit në Kosovë, Rajon dhe mbarë Botën.

Edicioni i sivjetmë do të mbahet nga 7 deri më 10 shtator.