Haradinaj: Zëri i bashkatdhetarëve nga Zvicra të dëgjohet më shumë

Në Ditën Kombëtare të Zvicrës lideri i AAK-së, Ramush Haradinaj, i ka thënë një grupi bashkatdhetarësh nga Zvicra, se zëri i tyre në skenën e zhvillimeve politike në Kosovë, duhet të jetë më i madh

Në Ditën Kombëtare të Zvicrës lideri i AAK-së, Ramush Haradinaj, i ka thënë  një grupi bashkatdhetarësh nga Zvicra, se zëri i tyre në skenën e zhvillimeve politike në Kosovë, duhet të jetë më i madh

Kryetari i Aleancës për Ardhmërinë e Kosovës (AAK), Ramush Haradainaj, ka pritur të hënën në Prishtinë një grup bashkatdhetarësh nga Zvicra, për nderë të Ditës Kombëtare të Zvicrës.

Siç njofton Zyra për Media e AAK-së, në këtë takim miqësor, Haradinaj ka folur për zhvillimet politike në Kosovë, për rolin që mund të luajë diaspora e Kosovës në këto zhvillime, si dhe për obligimet dhe detyrat që kanë institucionet e shtetit për bashkatdhetarët, që gjatë muajve të verës qëndrojnë në Kosovë.

Sipas njoftimit nga AAK-ja, vizita e bashkatdhetarëve nga Zvicra ka qenë vizitë kthimi, pas vizitës që kohë më parë u kishte bërë atyre një delegacion i AAK-së, i udhëhequr nga Ramush Haradinaj Haradinaj.