Haradinaj thotë se nuk do të ketë rritje të çmimit të energjisë

Kryeministri i Kosovës, Ramush Haradinaj, është zotuar edhe një herë se nuk do të ketë rritje të çmimit të energjisë. Ai thotë se qeverisja e tij ka arritur që humbjet nga importi i obliguar, prej dhjetëra milionë eurosh në vitin 2017 t’i kthejnë në zero, përcjell albinfo.ch.

“Nuk do të ketë rritje të çmimit të energjisë! Përveç kësaj, me hapat që kemi ndërmarrë, qëkur e kemi marrë mandatin e kësaj Qeverie, kemi arritur që humbjet nga importi i obliguar, prej dhjetëra milionë euro në vitin 2017 (sipas Bankës Botërore dhe KEK-ut) t’i kthejmë në zero më 2018-n, me siguri për profit në të ardhmen. Sot, sfida me energji është e fituar”, ka shkruar kryeministri në “Facebook”.