Haradinaj: Të lehtësohen procedurat e pritjeve të gjata të diasporës në kufi

Këtë kërkesë e ka bërë kryeministri i Kosovës, Ramush Haradinaj.

Kryeministri Ramush Haradinaj, ka kërkuar nga ana e Ministrit të Punëve të Brendshme, Bejtush Gashi që të shtohen pika kontrolli në dy pikat kufitare atë në Merdarë dhe te Dheu i Bardh.

“Me qëllim të përshpejtimit të procedurave në vendkalimet kufitare, kërkova nga Ministri i Punëve të Brendshme, Bejtush Gashi, që në Merdare dhe te Dheu i Bardh të vendosen pika shtesë të kontrollit të dokumenteve dhe më shumë policë kufitarë”, ka shkruar Haradinaj.

Sipas tij me anë të pikave shtesë të kontrollit do të lehtësohen procedurat dhe pritjet e paarsyeshme të bashkatdhetarëve tanë në kufi. Më këtë rast, Haradinaj u ka dëshiruar mirëseardhje në atdhe të gjithë qytetarëve të Kosovës.

 

---