Halil Kastrati ndihmon vëllezërit e krishterë

Shoqata “Jetimat e Ballkanit” e Halil Kastratit ka bërë me shtëpi e banesa qindra familje në Kosovë. Llogaritet së më shumë se 200 shtëpi ka ndërtuar kjo Shoqatë. Këtë herë Kastrati ka ndihmuar dy familje katolike në fshatin Zym të Hasit, raporton “Radio Evropa e Lirë”.

Familjet i janë falënderuar shumë Halil Kastratit për ndihmën që u ka dhënë, duke i bërë me shtëpi, përcjell albinfo.ch.

Kjo Shoqatë ka bërë me shtëpi familje jo vetëm në Kosovë, por edhe Shqipëri, Maqedoni e Mal të Zi.

Kastrati ka thënë se nuk i ndajnë familjet nga religjioni, por duan t’u ndihmojnë të gjithëve.