Hakerët shqiptarë sulmojnë llogaritë e Twitter-it

Motivi i sulmeve të Grupit Hacking AnonCoders duket të jetë i lidhur me kauzën politike promyslimane, ngase caqet e llogarive të sulmuara konsiderohen nga grupi i hakerëve në fjalë si të tilla.

Grupi Hacking AnonCoders ka goditur për herë të tretë në muajt e fundit, duke marrë direkt kontakt me Portal IT për të njoftuar një sulm në rrjetin social Twitter.
Pas sulmeve të mëparshme  kundër sajtit të një partie politike dhe një dhunim masiv të mbi 100 faqeve të internetit, grupi në fjalë tani ka marrë përgjegjësinë për të sulmuar më shumë se 23 000 llogari të rrjetit social Twitter, njofton albinfo.ch, duke iu referuara deklaratës në fjalë.

Një listë e këtyre llogarive ishin të shoqëruara me mesazhin në vijim: “HACKED BY ANONCODERS TEAM – TWITTER GOT OWNED”.
“Ne jemi të panjohur AL (sulmues shqiptarë) – (…)”, e pasuar nga një mesazh promysliman.

Albinfo.ch mëson se grupi në fjalë shpjegon arsyen e sulmeve të tilla me qëllim të përhapjes së mesazhit: “Asnjë sistem nuk është i sigurt, asgjë nuk është e pamundur”, prandaj duhet pasur kujdes kur argëtoheni në hapësirën tuaj në cyber”.

“Ne kemi parë me mijëra njerëz, të cilëve u është larë truri për të urryer dhe fyer islamin. Shumica e të dhënave që i kanë sulmuar janë njerëz të cilët janë  antimyslimanë dhe proizraelitë”, citohet të ketë deklaruar grupi Hacking AnonCoders.

Ai gjithashtu përshkroi sulmin si një “dhuratë e vogël” për SHBA-në për 4 korrikun dhe premtoi se do të bëjë “një  sulm të madh, i cili do të trondisë gjithë  botën”.