Shqipëria

Hakerët rusë sulmojnë faqen online të Shërbimit Informativ të Shqipërisë

E premte, 13 Tetor 2023 - 22:20 albinfo.ch
screenshot

Një grup hakerësh rusë ka sulmuar dhe bllokuar faqet online të Shërbimit Informativ Shtetëror, njoftojnë burime të Top Channel.

I njëjti burim konfirmoi se sulmi është vetëm në këtë faqe, e cila nuk është e lidhur me serverat apo arkivin e SHISH-it.

Top Channel mëson se sulmi është ndërmarrë nga “IT Army of Russia”, ky APT pro-Rus me lidhje direkte me inteligjencën ruse, përcjell albinfo.ch.

Në postimin e tyre ata thonë: “Mirëmbrëma, CyberArmy! Ne vazhdojmë punën tonë modeste për Shqipërinë. Ne po mundohemi të rrëzojmë Shërbimin Informativ Shtetëror – policinë zyrtare të shtetit të Republikës së Shqipërisë”.

Ky sulm vjen pas atyre kibernetike të Iranit në gusht të 2022-ës.

 Të tjera nga Shqipëria

Merz do të shqyrtojë modelin italian të azilit me Shqipërinë

 E-Diaspora

 Jeta në Austri