Hahn i kënaqur me progresin në uljen e numrit të azilkërkuesve nga Shqipëria

Hahn tha se Shqipëria është në rrugën e duhur, derisa përmendi si arritje, luftën kundër kanabisit, si dhe uljen e numrit të azilkërkueseve.

Komisioneri për Zgjerimin i Bashkimit Evropian, Johannes Hahn pas takimit që ka pasur me kryeministrin Edi Rama, i është drejtuar mediave në një konferencë të përbashkët, ku tha se Shqipëria është në rrugën e duhur, derisa përmendi si arritje, luftën kundër kanabisit, si dhe uljen e numrit të azilkërkueseve.

“Një nga rezultatet e para është ai që njihet si procesi i vettingut dhe unë pres që rezultatet e para t’i shohim në fillimi të vitit. Ecuria dhe progresi me pesë prioritetet kyçe është shumë i rëndësishëm për të shkuar përpara”, ka thënë Hahn, përcjell albinfo.ch.

Ndërsa kryeministri Edi Rama deklaroi se e njohu komisionerin Hahn me luftën e qeverisë kundër kultivimit dhe trafikut të kanabisit. Rama njoftoi se do të takojë në fillim të dhjetorit presidentin e Komisionit Evropian, Jean-Claude Juncker dhe tha se në qendër të diskutimeve do të jetë integrimi i Shqipërisë në BE.