CH-Ballkani
Kërcimtarët kosovarë sjellin në Gjermani përvojat traumatike nga lufta e Kosovës
Disa nga elementet e koreografisë të kujtonin përvojat traumatike të luftës së viteve n`90 në Kosovë, përcjell albinfo.ch. Kështu, njëri ndër kërcimtarët gjatë shfaqjes bie sikur i vrarë nga pushka, ndërkohë që në sfond dëgjohet një muzikë dramatike

Pjesëtarët e grupit vallëzues “Urban Dance Crew” nga Mitrovica u ndanë të kënaqur me qëndrimin në Gjermani, ku së fundi bënë një paraqitje të suksesshme në famullinë Hilgen-Neuenhaus të qytetit Wermelskirchen, shkruan rp-online.de
Më shumë se 20 minuta ka zgjatur programi i këtij grupi, i përshkuar nga një koreografi e larmishme, e prezantuar në mënyrë profesionale nga valltarët.
Disa nga elementet e koreografisë të kujtonin përvojat traumatike të luftës së viteve n`90 në Kosovë, përcjell albinfo.ch. Kështu, njëri ndër kërcimtarët gjatë shfaqjes bie sikur i vrarë nga pushka, ndërkohë që në sfond dëgjohet një muzikë dramatike.
Pjesët tjera tingëllonin dukshëm më gazmore dhe animonin publikun për të duartrokitur dhe marrë pjesë në vallëzim.
“Ishte një përvojë e mrekullueshme të ishim këtu”; thotë kërcimtari dhe koreografi Benjamim. “Jemi shumë të kënaqur sidomos me mikpritjen e njerëzve këtu”.
Gjatë ditëve të kaluara, grupi ka vizituar një numër të madh vendesh, si në qendër të qytetit, në shtëpi të pleqve dhe në Kopshtin Zoologjik të Wuppertalit. Por, më e rëndësishmja për ta ka qenë lidhja e miqësive të reja, transmeton albinfo.ch. Sot (të dielën) ata nisen për në atdhe.
Vizita është mundësuar nga Bashkësia Kishtare Hilgen-Neuenhaus dhe Gjakonia e Kosovës.
Sipas përgjegjëses së bashkësisë së përmendur, Dorothea Hoffroge, përjetimet e luftës vazhdojnë të kenë një rol të rëndësishëm për të rinjtë dhe të rejat, pjesëtarë të grupit.
Madje “disa prej pjesëtarëve pak më të vjetër vazhdojnë të flenë me drita të ndezura”, ka shtuar ajo. Lufta ka gërmuar thellë në ndërdijen kolektive të kosovarëve, përcjell albinfo.ch. Sipas Hoffroge, rreth 20 për qind të popullatës vuajnë nga traumat e luftës.
Vallëzimi u shërben të rinjve si mjet për të tejkaluar kufijtë ndëretnikë, që është një mesazh pozitiv për të ardhmen e vendit.
Në vjeshtën që vjen, të rinjtë nga Wermelskirchen-i do t`ua kthejnë vizitën moshatarëve të tyre në Kosovë. “Ne që tash po i gëzohemi vizitës së pritshme”, thotë Benjamimi.
Të tjera nga CH-Ballkani
E-Diaspora
-
Ka rrahur rëndë një person: Kosovari dëbohet për pesë vjet nga Zvicra Gjykata Kantonale ka lënë në fuqi vendimin e fajësisë dhe dënimin me tre vjet burg por...
-
Për një ditë, 13 kosovarë nga Kantoni Valis morën pasaporten zvicerane
-
Historike: Tre shqiptarë janë zgjedhur në Këshillin Bashkiak të këtij qyteti në Itali
-
Mjeku nga Kosova bëhet shqiptari i parë që publikon punim shkencor në Harvard
-
Portret profesional në Linkedin dhe CV – fotosesion me Rromir Imamin
Jeta në Austri
-
Pritësit e Airbnb në Vjenë përballen me rregulla më të ashpra dhe gjoba të larta Vjena po shton presionin mbi tregun e qirave afatshkurtra, duke vënë në shënjestër platforma si Airbnb...
-
Qeveria austriake pezullon rritjen e ndihmave familjare për dy vitet e ardhshme
-
A mund të kthejë Gjermania azilkërkuesit në kufirin austriak?
-
Austria planifikon ngrirjen e përfitimeve familjare për shkak të masave shtrënguese
-
Fuqia punëtore emigrante e Austrisë: Kush gjen punë shpejt dhe kush jo?