Gruevski thërret popullin për “rezistencë kundër platformës së Tiranës”!

Ai i bëri thirrje popullit që të përgatitet për rezistencë afatgjatë për t’u përballur, siç thotë, me skenare për shtetin dhe se përmes dialogut politik në Kuvend mund të gjindet zgjidhje

Ish kryeministri maqeodonas njëherësh lider i OBRM-PDUKM-së, Nikolla Gruevski, vazhdon të këmbëngulë në luftën e tij kundër  avancimit të të drejtave të shqiptarëve në Maqedoni. Partia e tij dhe populli nuk do të lejojnë zbatimin e Deklaratës politike shqiptare, të cilës i referohet si ”Platforma e Tiranës”, ka deklaruar ai, shkruan antpress.mk

Ai thotë se nuk do të lejojnë ridefinimin e shtetit si edhe ndërrimin e emrit, siç thotë, sipas skenarit të LSDM-së me partive shqiptare. Për Gruevskin, periudha e tanishme është mjaft dramatike për vendin.

Ai i bëri thirrje popullit që të përgatitet për rezistencë afatgjatë për t’u përballur, siç thotë, me skenare për shtetin dhe se përmes dialogut politik në Kuvend mund të gjindet zgjidhje.

Gruevski përsëriti edhe një herë qëndrimin e partisë së tij se zgjedhjet e reja të parakohshme parlamentare, bashkë me ato lokale, janë e vetmja zgjidhje e krizës së tanishme politike.