Greqia nuk ndryshon qëndrim për pavarësinë e Kosovës

Qëndrimi i Greqisë për Kosovën mbetet i pandryshuar, duke mos e njohur pavarësinë e saj. Kështu deklaroi presidentja greke, Katerina Sakelaropoulou, gjatë një konference të përbashkët për shtyp në Beograd me homologun serb, Aleksandër Vuçiq.

Sakelaropoulou u shpreh se Greqia mbështet dialogun ndërmjet Beogradit dhe Prishtinës, i cili synon normalizimin e marrëdhënieve mes dy vendeve dhe gjetjen e një zgjidhjeje të qëndrueshme që do të ruajë stabilitetin në rajon, përcjell albinfo.ch.

Duke folur për integrimin evropian të Serbisë, presidentja greke nënvizoi se Greqia gjithmonë ka menduar se Serbia i përket familjes evropiane.

Ndër të tjera, ajo ka shprehur nevojën që Serbia të anëtarësohet në BE dhe për mbështjetjen ndaj saj në këtë drejtim./Albinfo.ch