Greqia ngre kampe të reja për azilkërkuesit

Këto kampe do t`u mundësojnë azilkërkuesve të dalin jashtë gjatë ditë.

Greqia do të krijojë kampe të reja për azilkërkuesit në ishujt e saj në Detin Egje, duke shpresuar se do t’u japë fund muajve të mbipopullimit dhe dhunës me skemën e rivendosjes.

Kampet e reja do t’u mundësojnë azilkërkuesve që të dalin jashtë gjatë ditës, kurse natën do të jetë të mbyllur, shkruan Euronews.

Mbi 40 mijë azilkërkues aktualisht ndodhen në Greqi, sipas vlerësimeve të fundit. Kampet e reja janë të dizajnuara që të akomodojnë rreth 20 mijë prej tyre, ku do të jenë të kufizuar me një qëndrim tremujor aty.

“Njoftimi nga ana e Qeverisë për krijimin e kampeve të reja dhe vënia e procedurave të reja janë të mirëpritura”, ka thënë Philippe Leclerc, përfaqësues i UNHCR-së në Greqi.

“Krejt çfarë duam është që të shpëtojmë nga kjo situatë, e cila është katastrofale për personat që jetojnë sot dhe me muaj në kushte të mbipopullimit”.

---