Grenell: Administrata aktuale e SHBA-së nuk e ka prioritet dialogun

Ish-emisari i SHBA-së për dialogun Kosovë – Serbi, Richard Grenell, i cili njihet si person shumë i afërt me ish-presidentin amerikan Donald Trump, ka kritikuar presidentin e SHBA-së, Joe Biden. Sipas tij, presidenti aktual amerikan nuk e ka përmendur fare dialogun Kosovë – Serbi në fjalimin e tij në Kombet e Bashkuara.

Grenell konstaton se dialogu nuk është prioritet i Shtëpisë së Bardhë.

“Joe Biden ka dështuar edhe ta përmendë dialogun Kosovë – Serbi në fjalimin e tij në Kombet e Bashkuara. Qartë nuk është prioritet i Shtëpisë së Bardhë të bëjë partneritet me Ballkanin”, ka shkruar Grenell në Twitter.