Grazi i Austrisë duartroket Baletin e Kosovës

Shfaqjen e përcollën afro 500 veta, në mesin e të cilëve e pranishme ishte edhe nënkryetarja e Parlamentit Evropian, Ulrike Lunaçek

Shfaqja e Baletit Kombëtar të Kosovës “Your Stories, My Story” është prezantuar të shtunën mbrëma në Schauspielhaus në qytetin e Grazit të Austrisë.
Kjo shfaqje, e realizuar nën koreografinë e Darrel Toulen, është pritur me sukses të madh dhe me duartrokitje frenetike nga publiku i mrekullueshëm austriak, raporton albinfo.ch.

.
“Your stories, my story” është balet modern, i bazuar në vuajtjet e popullit të Kosovës dhe balerinëve, në veçanti gjatë luftës së fundit.
Shfaqja “Your stories, My story” u dha për herë të parë në Prishtinë në tetor 2014 dhe pati një sukses të madh dhe një pritje të ngrohtë nga publiku i Kosovës.
Për këtë shfaqje trupa ka bashkëpunuar me koreografin austriak, Darrel Toulon.
Shfaqja është një projekt i përbashkët i Baletit Kombëtar të Kosovës, të mbështetur nga projekti “Culture for All” dhe Ambasada Austriake në Kosovë.

---