Granit Xhaka u zgjodh nga UEFA lojtari më i mirë i ndeshjes

(Photo by Harriet Lander - UEFA/UEFA via Getty Images)

Kapiteni i Zvicrës, Granit Xhaka është zgjedhur nga UEFA si lojtari më i mirë i ndeshjes së sotme ndaj Hungarisë.

Në këtë ndeshje, Zvicra ka triumfuar me rezultat 3:1, ndërsa Xhaka ka deklaruar se është jashtëzakonisht e rëndësishme që e kanë nisur me fitore, transmeton albinfo.ch.

“Një pjesë e parë shumë e mirë. Nuk ishim më keq as në të dytën, por natyrisht Hungaria është dashur të bëjë më shumë. Në përgjithësi, fitorja është në rregull. Ishte saktësisht ashtu si kemi ushtruar gjatë përgatitjeve. E kemi shtyrë veten deri në limite. Kemi bankë të mirë dhe sot e pamë rëndësinë e kësaj, me zëvendësimet që i bëmë. Na duhen të gjithë dhe kemi bërë hap të rëndësishëm sot”, ka thënë ai.