Futboll

Gol dhe lojtar i ndeshjes, Muriqi në top formë

Për sulmuesin 31-vjeçar është goli i gjashtë nga 11 ndeshjet me fanellën e Mallorcas këtë edicion

E hënë, 10 Nëntor 2025 - 10:30 albinfo.ch

Keystone (AP Photo/Francisco Ubilla)

Sulmuesi i Kosovës, Vedat Muriqi, e ka shënuar golin e fitores 1:0 për Mallorcan kundër Getafes të dielën.

Ai shënoi golin që ia siguroi pikët e plota ekipit të tij në minutën e 14-të, ndërsa mori duartrokitjet e shikuesve pas largimit nga fusha në minutën e 88-të të ndeshjes që i takoi xhiros së 12-të të La Ligas spanjolle.

Për sulmuesin 31-vjeçar është goli i gjashtë nga 11 ndeshjet me fanellën e Mallorcas këtë edicion në elitën e futbollit spanjoll, derisa u shpall lojtar i ndeshjes.

Me fitoren e arritur të dielën, Mallorca është ngritur në vendin e 15-të me 12 pikë.

Muriqi të hënën do t’i bashkohet Kosovës për ndeshjet vendimtare kundër Sllovenisë dhe Zvicrës për kualifikim në Kupën e Botës 2026.