Goditet nga rrufeja një aeroplan në aeroportin e Prishtinës, i cili po bartte pasagjerë nga Zvicra

Raportohet se një aeroplan i kompanisë “GP Aviation” është goditur mbrëmë nga rrufeja në pistën e Aeroportit Ndërkombëtar të Prishtinës “Adem Jashari”, shkruan albinfo.ch.

Thuhet se linja e kësaj agjencie ishte me pasagjer nga Baseli i Zvicrës për në Prishtinë.

Bëhet fjalë për fluturimin e orës 16:30 të pasdites, i cili me të arritur në pistë rreth orës 18:20 u godit nga rrufeja, ku fatmirësisht dëme në njerëz nuk kishte.

Zyra e informimit të Aeroportit të Kosovës bënë të ditur Albinfo.ch se kompania për shkak prishjes së aeroplanit nga rrufeja ka anuluar fluturimin për Nuremberg të Gjermanisë. /Albinfo.ch