Gjyshërit ndikojnë në trashjen e fëmijëve

Gjyshërit tolerues kanë ndikim të keq në shëndetin e nipërve dhe mbesave të tyre, sipas një hulumtimi të ri.

Studimi i Universiteti të Glasgow, i publikuar në PLOS One, thotë se shpeshherë gjyshërit janë të prirë për t’i ushqyer fëmijët më shumë se që duhet.

Studimi po ashtu shpjegoi se disa pinë duhan para nipërve dhe kjo u shton dëmet te fëmijët.

Hulumtuesit shikuan për këtë rezultat të hënat nga 56 studime nga 18 shtete, përfshirë SHBA-në, Britaninë e madhe, Kinën e Japoninë, por nuk publikuan statistike me shifra të caktuara, transmeton Albinfo.ch.

Raporti u fokusua në ndikimin potencial të gjyshërve që ishin të rëndësishëm në kujdesin e fëmijëve në vitet e para.

Hulumtimi u bazua në ndikimin e tyre në:

Dietë dhe peshë

Aktivitetet fizike

Duhanpirje

Sa i përket dietës dhe peshës, raporti konkludoi se sjelljet e gjyshërve patën efekt të kundërt. Ata, sipas studimeve, nuk ndalin sheqernat për fëmijët dhe ndihmojnë në trashjen e tyre.

Studimi po ashtu gjeti se nipërit kanë pak ushtrime fizike teksa janë nën kujdes të gjyshërve të tyre. Aktivitetet fizike lidheshin varësisht nga aktiviteti fizik i gjyshërve, apo hapësirës së mjaftueshme në të cilën fëmijët mund të ishin aktivë.

Në studim, duhanpirja u kuptua se ishte problemi më i madh mes gjyshërve dhe prindërve. Megjithatë, në shumë raste, lindja e nipërve ishte katalizator për lënien e duhanit te gjyshërit.