Gjyljeta Ransi në gjysmëfinalen e “Schweizer Talente”

Këngëtarja shqiptare e cila jeton në Lucern të Zvicrës, Gjyljeta Ransi është duke konkurruar në talent shoun zviceran“Schweizer Talente”.

Kënga që ajo ka performuar gjatë paraqitjeve të saj ka qenë edhe singli “Listen” i këngëtares së famshme amerikane, Beyonce.

Juria e këtij edicioni ka mbetur tejet e kënaqur me interpretimin e 21 vjeçares nga Prizreni.

Deri më tani Gjyljeta ka arritur të kalojë në gjysmë finale dhe pritet të shkëlqej edhe në natën finale.

Vlen të përmendet se Ransi para se të merr pjesë në këtë talent shou, para dy viteve ka qenë pjesë edhe e talent shout në Gjermani “DSDS”, ndërsa vitin e kaluar ka realizuar edhe këngën “Mi Amor”, klipin të cilin e ka realizuar në Kosovë nga produksioni “EMF creative”.