Gjermania aplikon taksa rrugore diskriminuese

Komisioni Evropian thotë se Gjermania duhet të përgjigjet në gjykatë në lidhje me miratimin e një ligji që parashikon futjen e pagesës së taksës rrugore, vinjetës, në magjistrale për të gjithë shoferët e huaj, shkruan albinfo.ch.

Sipas Brukselit, pasi ligji është miratuar dhe do të aplikohet vetëm për makina dhe kamionë me targa të huaja, ndërsa praktikisht nuk paguajë asgjë veturat gjermane. Formalisht taksa rrugore është ruajtur si universale, por automjetet me regjistrim të Gjermanisë do të marrin një zbritje të taksave në madhësinë e taksës rrugore.

Vendimi u mor pas 2 vjetëve të korrespondencës mes Brukselit dhe Berlinit.

Sipas Komisionit Evropian, Gjermania shkel ligjin e BE-së, e cila i jep të drejta të barabarta për të gjithë qytetarët evropianë, pavarësisht nga kombësia e tyre dhe për të siguruar lëvizjen e lirë të njerëzve dhe mallrave, përcjell albinfo.ch.

Pasi u alarmua nga transportuesit, Komisioni Evropian është përgjigjur me vinjeta të reja që janë të parashikuara në ligj.

Ligji u miratua nga Bundestagu në qershor të vitit 2015, por ende nuk ka hyrë në fuqi.

Aktualisht për të lëvizur përgjatë autostradave në Gjermani është pa pagesë për makinat me targa të huaja, dhe ato me regjistrimet vendore.

Kjo është hera e dytë që Komisioni Evropian kërkon nga Berlini të përgjigjet para gjyqit për tarifat rrugore.

Ligji i BE-së i lejon shtetet anëtare të vendosin nëse do të ketë taksa rrugore për kamionë dhe automjete të lehta, por në qoftë se taksat e tilla janë të imponuara, ato duhet të jenë të njëjta për automjetet me regjistrim lokal dhe për ato që kanë targa nga një shtet anëtar i BE-së.