Lajme

Gjeneva rregullon anomalinë tatimore të të divorcuarve

E martë, 5 Shtator 2023 - 17:00 albinfo.ch

Gjeneva ka rregulluar një anomali tatimore që prek prindërit e divorcuar me fëmijë.

Nëse secili prind ndan përgjegjësinë për fëmijët, atëherë ata do të tatohen njësoj. Deri më tani, vetëm prindi me të ardhura më të ulëta kishte të drejtën e uljes së taksave në lidhje me kujdesin ndaj fëmijëve.

Këshilli i Madh ka miratuar një projekt-ligj të ri tatimor të paraqitur nga qeveria, shkruajnë mediat zvicerane, përcjell albinfo.ch.

Ministrja e Financave, Nathalie Fontanet, përshëndeti vendimin, duke thënë se ligji i ri do të nxisë marrëveshjen midis prindërve që kalojnë një divorc.

Ligji i ri hyn në fuqi nga 1 janari i vitit të ardhshëm.