Gjendja e njërit nga të plagosurit e Pejës, shumë e rëndë

Një plagoje e trefishtë ka ndodhur mbrëmë në Pejë, përcjell albinfo.ch.

Si pasojë e lëndimeve të marra, që të tre janë dërguar në QKUK për trajtim të mëtutjeshëm, ku gjendja e tyre është e rëndë.

Rastin e bëri të ditur shefi i Klinikës Intensive në QKUK, Shaqir Uka.

“Njëri nga të plagosurit, 51-vjeçar, ka pasur intervenim të gjatë kohor, për shkak të lëndimeve serioze që ka marrë. Lëndimet i ka në pjesën abdominale dhe në këmbën e majtë. Ai ka ardhur në gjendje shumë të rëndë shëndetësore për shkak të gjakderdhjes. Vazhdon të jetë në gjendje të rëndë. Ndërkaq edhe ndaj të plagosurit të dytë është bërë ndërhyrja kirurgjike, ndërsa për të plagosurin e tretë deri tani nuk ka qenë e nevojshme”, tha Uka.

Ndërkaq i dyshuari kryesor për kryerjen e kësaj vepre është ende në arrati, kurse një person tjetër që dyshohet se ka ndihmuar dorasin pas kryerjes së aktit, është arrestuar.