Shqipëria

Gjendet turistja franceze e humbur prej ditësh në Malin e Çikës

E enjte, 6 Qershor 2024 - 20:30 albinfo.ch

Ministri i Brendshëm i Shqipërisë, Taulant Balla me anë të një postimi në rrjetet sociale, ka ndarë lajmin e mirë, ku bën me dije se është gjetur shëndoshë e mirë turistja franceze, e cila kishte humbur kontaktet prej disa ditësh në Malin e Çikës.

Francezja, Albane Florin është kthyer se bashku me shërbimin e shpëtimit dhe me alpinistët të cilët u angazhuan për gjetjen e saj.

“Turistja franceze Albane Florin, e cila kishte humbur kontaktet prej disa ditësh në Malin e Çikës, është mirë dhe po kthehet bashkë me shërbimin e shpëtimit dhe me alpinistët të cilët u angazhuan për gjetjen e saj”, shkruan Balla, transmeton albinfo.ch.