Gjendet i vdekur personi i zhdukur para dy ditësh në Pejë

Policia e Pejës ka konfirmuar se është gjetur personi, i cili ishte në kërkim qe dy ditë.

Sipas policisë, personi është gjetur pa shenja jete në fshatin Reka e Allagës në Rugovë.

Në anën tjetër, Prokuroria Themelore e Pejës ka parashtruar kërkesën për caktimin e masës se paraburgimit ndaj tre personave, me dyshimin se të njëjtit kishin kryer veprën penale lëndim i rëndë trupor, shkruan Albinfo.ch.

Prokuroria Themelore e Pejës ka marrë aktvendim për fillimin e hetimeve ndaj tre të pandehurve, A.N., SH.L. dhe një të mituri, për shkak se të njëjtit në bashkëkryerje dyshohen se më 26 prill të këtij viti i kanë shkaktuar lëndime të rënda trupore të dëmtuarit M.N.

Ndryshe, M.N. (49) ishte në kërkim që nga data 26 prill e këtij viti, kur dyshohet se kishte marrë lëndime të rënda trupore nga tre persona.