Kosova
Gërvalla paralajmëron lëvizje pozitive drejt njohjes së Kosovës
Kryediplomatja e Kosovës Donika Gërvalla paralajmëroi lëvizje pozitive drejt njohjes së Kosovës.
Ajo ka shprehur rezerva të deklarohet teksa është pyetur rreth mundësisë së njohjes së vendit nga Ukraina, por që ka thënë se ka lëvizje pozitive drejt sigurimit të njohjeve të reja.
“Ne e dimë se sa agresive është fushata e Serbisë, por edhe e Rusisë për të penguar njohje të reja dhe për të krijuar çnjohje të Kosovës nga shtete të ndryshme. Prandaj, ne, asnjë prej shteteve me të cilat bisedojmë nuk e vëmë publikisht para sfidave të tilla, por ka lëvizje të shumta me shumë shtete”, deklaroi ajo për RTK.
Gërvalla ka thënë se janë përqendruar në 5 shtetet e BE-së, të cilat nuk e kanë njohur ende Kosovën, derisa ka përmendur edhe punën që po bëhet në anëtarësimin e vendit në organizata ndërkombëtare.
“Ne jemi përqendruar kryesisht te pesë shtetet e BE-së, sepse mendojmë që ato nëse nuk realizohen do të kthehen në një sfidë serioze për rrugën euroatlantike të Kosovës. Anëtarësimi në organizata ndërkombëtare nuk duhet të kthehet vetëm në një çështje formale, të prestigjit por duhet të jetë një çështje e cila duhet të shihet dobia në secilën organizatë. Ne kemi aplikuar në maj të vitit të kaluar për Këshill të Evropës, në ndërkohë kemi kaluar fazën e parë, pra një prej dy fazave i kemi kaluar. Tani ndodhet çështja në Asamblenë Parlamentare të Këshillit të Evropës ku ka përkrahje shumë të madhe për Kosovën”, u shpreh Gërvalla.
Gërvalla foli edhe për masat ndëshkuese të vendosura nga Bashkimit Evropian ndaj Kosovës, për çka tha se të njëjtat duhet të hiqen sa më parë.
“Ato masa janë të pakuptimta për mendimin tim dhe duhet të hiqen sa më shpejt. Se si do të jetë procesi, do të më lejoni mos ta diskutojmë publikisht, sepse ka disa gjëra të cilat është mirë kur ndodhin dhe është mirë kur gëzohemi në fund, por është mirë ta ruajmë njëfarë konfidencialiteti ndaj partnerëve”, tha Donika Gërvalla.
E-Diaspora
-
Një shqiptare do të ligjërojë në “Arizona State University” Disenjatorja Krenare Rugova do të ligjërojë në “Arizona State University”...
-
Andi Boka, një rrëfim suksesi në sportin e Kanadasë
-
Humb jetën aksidentalisht i riu kosovar në Zvicër
-
Zvicër: Hapet edhe një pikë shkollore në Romanshorn
-
Kurti fton diasporën të bëhen pjesë e institucioneve të Kosovës përmes diplomacisë qytetare
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?